Ey haqq yolu! Səndən də gözəl yol dəxi varmı?
Duymaqda ikən səmtini can, əsla çaşarmı?
****************************
İdrakla keçilməkdəsən, həm də sonu bəlli,
Haqqa yetirir min bir əzabın, bu təsəlli.
*******************************
Paksan və əzizsən əbədi öz çətininlə,
Səcdəndəyəm, həm fəxr edirəm hər mətninlə.
******************************
Yüksəlmədə, pir olmada sehrinlə gedənlər,
Fikri, əməli nur saçan ulduzlara bənzər.
**************************************
Sardı canımı hikmətin, oldun sənə yolçu,
Əsli nəsəbimdən miras ikən mənə həm bu.
**************************************
Ey kaş, yetirə iznin ilə mənzilə bəxtim,
Ol kəs sayağı ki, onu əfv eylədi Rəbbim.
******************************
Həm söyləyə Tanrı dəxi: keçdim günahından,
Get, arxayın ol Şıxbala, nurlu sabahından.
Açar sözlər:
Yaraşır
"Muğam-2007" yarışmasına tamaşaçı münasibəti
Muğamın möcüzəsi sirri Xudadan yol alır,
Bu yolun yolçusuna elm ilə ürfan yaraşır.
********************************
Xoş sədasıyla seçilmiş daim odlar diyarı.
Hüsnünə ruh ovudan nəğməli meydan yaraşır
*********************************
Ümummilli liderin fondu milli bəxt üzüyü
Dəyərli qaşdır ona xanım Mehriban, yaraşır
*********************************
Bu yarışda hərənin öz yeri var, gizli deyil
Fəxr edə Abgül ilə Azəribaycan, yaraşır
*********************************
Muğamsevərlərinin orda kı, Nişanəsi var
Qoşula nəğməsinə cümlə Qobustan, yaraşır
*********************************
Həzin –həzin dinə Nasir, Rəvanə dil-dil ötə
Söyləyə məsləhətin Mənsum, Ağaxan yaraşır
*********************************
Şəmsəddin göstərə səy ki, dəxi Vüsala yetə
Səkinə, Arif danışa ölçü-nizamdan yaraşır
*********************************
Güllü, Elməddin, Ehtiram Könülinən oxuya
Bəzmi dəst olsa Səxavətlə Natavan, yarışır
*********************************
İbrahim, Ramiz ilə şərh edə nöqsan nəki, var
Əlbaba rəy verə. Nadir yaza fərman yaraşır
*********************************
Xoş muğam nəşəsi var ki, o qədər zövq verir
Hər nəfər cuşa gəlib olsa qəzəlxan, yaraşır
**********************************
Sahibin, Toğrulun ifası yayıldıqca cana
Miili ruh ovqatını vəsf edə Elcan yaraşır
Açar sözlər:
“Yanıq Kərəmi”yə oynamaq olmaz!
Kərəm yandı Xan Əslinin oduna,
Bir dastan yaratdı sevgi adına.
Bəlli olsun yaxınına, yadına,
Nakam məhəbbəti oynamaq olmaz,
“Yanıq Kərəmi”yə oynamaq olmaz!
*****************************
Bu nə “Sarıtel”di, nə də “Misri”di,
Burda Kərəm ülviyyətin əsridi.
Qəmə rəqs eləmək cahil kəsridi,
Bu not üstə coşub çağlamaq olmaz,
“Yanıq Kərəmi”yə oynamaq olmaz!
***********************
Burda Lələ köçüb, boş qalıb yurdu,
Burda qəm ləşkəri Müzəffər ordu.
Burda ərşə bülənd məhəbbət odu,
Şərlə bir qazanda qaynamaq olmaz,
“Yanıq Kərəmi”yə oynamaq olmaz!
***********************
İzi itən yerdə “Qara Keşiş”in,
Hicran fürsət tapıb görübdür işin.
Unudub söy kökün, nakam keçmişin,
Yağıya mərhəba söyləmək olmaz,
“Yanıq Kərəmi”yə oynamaq olmaz!
************************
Harda qurulubsa saf eşqə tələ,
Orda tufan qopub, olub zəlzələ.
Göz yaşı dönəndə kükrəyən selə,
Aşıq kədərini duymamaq olmaz,
“Yanıq Kərəmi”yə oynamaq olmaz!
*****************************
Müşküldür qandırmaq haqqı qansıza,
Dərd duyan ürəkdən gərək qan sıza.
Rəvac verib dinsizə, imansıza,
Hissə qapılmaqdan doymamaq olmaz,
“Yanıq Kərəmi”yə oynamaq olmaz!
***********************
Ariflər tez anlar ağsaqqal sözün,
Çün onlar söyləyir mətləbin düzün.
Əslinin atəşin, Kərəmin közün,
Üfürüb ürəkdən qovlamaq olmaz,
“Yanıq Kərəmi”yə oynamaq olmaz!
***********************
Rəqs üçün nə çoxdur el havaları,
Çaldırıb oyna da, rəqqasə var.
Hərdən etdiyini düşün də, barı,
Axı bu boyda da qanmamaq olmaz,
“Yanıq Kərəmi”yə oynamaq olmaz!
***********************
Bir öyüddür qəbul edən hər kəsə,
Qol açmaq nə lazım, hər gələn səsə.
Pis olmaz hərdən bir könlün istəsə,
Elin şad günündə oynamaq az-az,
“Yanıq Kərəmi”yə oynamaq olmaz!
Açar sözlər:
Qobustan bayramları
Xoş nəğmədir ana yurdun növrağı,
Təravəti bir dəfinə yarpağı,
Sazlı –sözlü sənətkarlar oylağı,
Həsrətinin öz sözü, öz bəstəsi.
********************
Çal-çağırlı bayramları gözəldir,
Təpə-dırnaq şeriyyatdı, qəzəldi.
Saz dilə gəldimi işlər düzəldi
Ruhu ovsunlayır xoş təranəsi.
*************************
Elşən “Misri”, “Baş Sarıtel” çalanda,
Ürəklər ritminə qoşur bir anda.
Könül vəcdə gəlir, vallah bax onda,
Fəth olunur duyğuların zirvəsi.
**************************
Şövq ilə səhnəyə gələndə Xanış,
Titrədir salonu sürəkli alqış.
Sənətə nə boyda sevgi olarmış,
Yaradarmış Məhəbbət əfsanəsi.
**************************
Məliyin ifası qara zurnada,
Az qalır kürreyi ərzi oynada.
Çox-çox ustadları gətirir yada,
Əvəzin, Abbasın ustadnaməsi.
**************************
Onda ki, qavala sarılır Camal,
Ötən əyyamlara boylanır Xəyal.
Əməlli-başlıca durulur əhval,
Dəyişdikcə muğamların guşəsi.
***************************
Neyi dilləndirir Mirzağa kövrək,
Çağlayır duyğular şəlalələrtək.
Eminağa, Əlfağa cuşa gələrək,
Gətirir riqqətə hər duyan kəsi.
****************************
Həzin bir nömrə də Nemətdən gəlir,
Şaqraq zəngulələr göyə yüksəlir.
Nişanə Xəyala köməyə gəlir,
Hər səs bir ərməğan, tanrı töhfəsi.
****************************
Alqışlar altında qızışır meydan,
Qoşulur yarışa neçə növcavan.
Bayram əhvalından zövq alır Elcan,
Tərənnüm olunur Odlar ölkəsi.
Açar sözlər:
Qabaqki yazılar
- Məndən soruş
- Türk əsgərinin məzarı önündə
- Nəsihət
- Sevilib köçənlər bəxtiyar imiş
- Azərbaycan
- Qaldı
- Qəzəl
- Yaraşır
- “Yanıq Kərəmi”yə oynamaq olmaz!
Ya da başqasına könül açıram.
Xəyalımda sənsizliyə uçuram
Dünya fənalığın tərk edən deyil,
Səni mənsizliyə öyrədirəm, bil.
Bəzən xəyal uçub gedir gəncliyə,
Az qalır ki, xitam verə dincliyə.
Ötənlər beynimdə canlansın deyə
Dönürəm qəvvasa mən dili qafil,
Səni mənsizliyə öyrədirəm, bil.
Gənclik çağlarıydı, həyat firavan,
Coşub çağlayırdı damarlarda qan.
Sevib seçdik bir-birini o zaman
O vaxtdan ötüşür otuz yeddi il,
Otuz altı vur dörd 144 fəsil.
Yaşadıq, yaratdıq ürəyimizdə,
Çiçək açdı arzu, diləyimiz də.
Balalar yetişdi köməyimizə
Bir təzə qələbə gətirdi hər il,
Sevincdən gətirdi yetişən nəsil.
Tək yaşamağımda məqsədim bəlli,
Qalan ömür olsun sənə təsəlli.
Başqa gümanlara düşmə ay dəli
Fikrim xam xəyala uyan ha deyil,
Səni mənsizliyə öyrədirəm, bil.
Tanrı bəxşişidir yaşanan hər gün,
Həsr et nəvələrə uzansın ömrüm.
Mən də o mənəm ki, elə gördüyüm
Halım, xasiyyətim dəyişən deyil,
Səni mənsizliyə öyrədirəm, bil.
Qismət olsa bir vaxt gələrəm mən də,
Çıxıb təqaüdə dönərəm kəndə.
Əlvida söyləyib vaxtı gələndə
Seçərəm münasib sonuncu mənzil,
Səni mənsizliyə öyrədirəm, bil.
- Şeirlər (19)
- Hekayələr (0)
- Məsnəvilər (1)
- Rəvayətlər (0)
- Qəzəllər (2)
- Xəbərlər (1)
- Avqust 2008 (1)
- May 2008 (10)
- Aprel 2008 (13)
- İndi blogda: 2
- Keçən ayın hiti: 346
- Dünənki hit: 17
- Bugünki hit: 4
- Ümumi hit: 2361
