Sevilib köçənlər bəxtiyar imiş
Ə.Ağamirzəyevin xatirəsinə
Vidalaşıb getdin yarızarafat,
Zarafat gerçəyə çevrildi heyhat.
Sən demə doğurdan faniymiş həyat,
Hər dürlü gərdişin sonu var imiş.
**********************
Duzlu deyimlərin qalıb yadigar,
Hər məqamımıza tuş gələni var.
Qalan ömrümüzü bizimlə yaşar,
Dost itkisi möhnət intizar, imiş.
**********************
Tez –tez yoxluğuna darılır ürək,
Getdin əlimizdən köçəri quş tək.
Dözümdən qeyri yol yoxdu, neyləmək,
Ömür deyilən bir etibar imiş.
**********************
Hərdən cəmləşirik yerin görünür,
Adın anıldıqca fikir bölünür.
Hərə bir ah çəkir nisgillər sönür,
Bu fələk necə də sitəmkar imiş.
**********************
Bütün dediklərim ruhuna bəlli,
Tanrıya qovuşdun, bu bir təsəlli.
Çümlə bəşər keçir bu yolu,- bəlli,
Sevilib köçənlər bəxtiyar imiş.
Açar sözlər:
Ya da başqasına könül açıram.
Xəyalımda sənsizliyə uçuram
Dünya fənalığın tərk edən deyil,
Səni mənsizliyə öyrədirəm, bil.
Bəzən xəyal uçub gedir gəncliyə,
Az qalır ki, xitam verə dincliyə.
Ötənlər beynimdə canlansın deyə
Dönürəm qəvvasa mən dili qafil,
Səni mənsizliyə öyrədirəm, bil.
Gənclik çağlarıydı, həyat firavan,
Coşub çağlayırdı damarlarda qan.
Sevib seçdik bir-birini o zaman
O vaxtdan ötüşür otuz yeddi il,
Otuz altı vur dörd 144 fəsil.
Yaşadıq, yaratdıq ürəyimizdə,
Çiçək açdı arzu, diləyimiz də.
Balalar yetişdi köməyimizə
Bir təzə qələbə gətirdi hər il,
Sevincdən gətirdi yetişən nəsil.
Tək yaşamağımda məqsədim bəlli,
Qalan ömür olsun sənə təsəlli.
Başqa gümanlara düşmə ay dəli
Fikrim xam xəyala uyan ha deyil,
Səni mənsizliyə öyrədirəm, bil.
Tanrı bəxşişidir yaşanan hər gün,
Həsr et nəvələrə uzansın ömrüm.
Mən də o mənəm ki, elə gördüyüm
Halım, xasiyyətim dəyişən deyil,
Səni mənsizliyə öyrədirəm, bil.
Qismət olsa bir vaxt gələrəm mən də,
Çıxıb təqaüdə dönərəm kəndə.
Əlvida söyləyib vaxtı gələndə
Seçərəm münasib sonuncu mənzil,
Səni mənsizliyə öyrədirəm, bil.
- Şeirlər (19)
- Hekayələr (0)
- Məsnəvilər (1)
- Rəvayətlər (0)
- Qəzəllər (2)
- Xəbərlər (1)
- Avqust 2008 (1)
- May 2008 (10)
- Aprel 2008 (13)
