Qaldı
Aşıq Mahmudun əziz xatirəsinə
Bir eloğlunu da yaman itirdik,
Bitmədi ömrünün baharı, qaldı.
Ölümü vermədi aman, itirdik,
Yaddaşlarda əzmi, vüqarı qaldı.
*********************
Həzin bir məlahət vardı səsində,
Qoşması, bəstəsi, zümzüməsində.
Zili-zil yerində, pəsi-pəsində,
Dinən nəğmələrin qatarı qaldı.
*********************
Yaman yaraşardı toya düyünə,
Sevinc bəxş edərdi hər gördüyünə.
Hər çələng bənzəməz o hördüyünə,
Neçə havaçatı, əşarı qaldı.
**********************
Hörmət qazanmışdı el arasında,
Fərqi yoxdur, olsun hər harasında.
Dostun şad günündə, yadın yasında,
Deyimi, duyumu, rəftarı qaldı.
***********************
Ölüm amansızdı, hər çeşidində,
Sarsıdır hər kəsi, ilk eşidəndə.
Doğrusu, yamanca karıxdım məndə,
Ağrıyan qəlbimdə qubarı qaldı.
************************
Gəl elim, yas saxla öz aşığına,
Bu yurdun məclislər yaraşığına.
Anıb toplaşmaqçün söz işığına
Ziyarət ünvanı: - məzarı qaldı.
************************
Bu fani dünyanın son payı möhnət,
Alın yazısıdı, beləymiş qismət.
Qanadlı ruhuna Tanrıdan rəhmət,
Təvəqqe eyləyən dostları qaldı.
Açar sözlər:
Ya da başqasına könül açıram.
Xəyalımda sənsizliyə uçuram
Dünya fənalığın tərk edən deyil,
Səni mənsizliyə öyrədirəm, bil.
Bəzən xəyal uçub gedir gəncliyə,
Az qalır ki, xitam verə dincliyə.
Ötənlər beynimdə canlansın deyə
Dönürəm qəvvasa mən dili qafil,
Səni mənsizliyə öyrədirəm, bil.
Gənclik çağlarıydı, həyat firavan,
Coşub çağlayırdı damarlarda qan.
Sevib seçdik bir-birini o zaman
O vaxtdan ötüşür otuz yeddi il,
Otuz altı vur dörd 144 fəsil.
Yaşadıq, yaratdıq ürəyimizdə,
Çiçək açdı arzu, diləyimiz də.
Balalar yetişdi köməyimizə
Bir təzə qələbə gətirdi hər il,
Sevincdən gətirdi yetişən nəsil.
Tək yaşamağımda məqsədim bəlli,
Qalan ömür olsun sənə təsəlli.
Başqa gümanlara düşmə ay dəli
Fikrim xam xəyala uyan ha deyil,
Səni mənsizliyə öyrədirəm, bil.
Tanrı bəxşişidir yaşanan hər gün,
Həsr et nəvələrə uzansın ömrüm.
Mən də o mənəm ki, elə gördüyüm
Halım, xasiyyətim dəyişən deyil,
Səni mənsizliyə öyrədirəm, bil.
Qismət olsa bir vaxt gələrəm mən də,
Çıxıb təqaüdə dönərəm kəndə.
Əlvida söyləyib vaxtı gələndə
Seçərəm münasib sonuncu mənzil,
Səni mənsizliyə öyrədirəm, bil.
- Şeirlər (19)
- Hekayələr (0)
- Məsnəvilər (1)
- Rəvayətlər (0)
- Qəzəllər (2)
- Xəbərlər (1)
- Avqust 2008 (1)
- May 2008 (10)
- Aprel 2008 (13)
